काठमाडौ बैशाख २,
अन्तर्राष्ट्रिय संचार माध्यम रोयटर्सका अनुसार कतारले इरानसँग कतारमाथि हुने आक्रमण रोक्नका लागि रकम भुक्तानी गर्ने विषयमा कुनै छलफल नभएको स्पष्ट पारेको छ। यस्ता छलफल भएको भन्ने दाबी असत्य भएको कतारी विदेश मन्त्रालयका प्रवक्ताले मंगलबार बताएका छन्।
कतारका विदेश मन्त्रालयका प्रवक्ता माजेद अल-अन्सारी ले मिडिया ब्रिफिङमा भने:
“कतार र इरानबीच आक्रमण रोक्न रकम तिर्ने विषयमा कुनै पनि प्रकारको वार्ता भएको छैन, यस्ता दाबीहरू सत्य होइनन्।”
उनले थप बताए:
“पाकिस्तान र संयुक्त राज्य अमेरिकासँग उच्चस्तरीय समन्वय भइरहेको छ, र हाम्रो माग ती माध्यममार्फत उठाइँदैछ।”
यस समाचारले मध्यपूर्व क्षेत्रमा तनाव बढिरहेको सन्दर्भमा कतारले आफ्नो सुरक्षा तथा कूटनीतिक समन्वय पाकिस्तान र अमेरिकामार्फत गरिरहेको संकेत गरेको छ।
