काठमाण्डु बैशाख ३,
अलजजिराका अनुसार युक्रेनको राजधानी कीभमा रुसी सेनाले गरेको बम/रकेट आक्रमणमा १२ वर्षीय एक बालकको मृत्यु भएको छ भने कम्तीमा १० जना घाइते भएका छन्। घाइतेमध्ये केही डाक्टरहरू पनि रहेका शहरका मेयरले बताएका छन्।
मेयर भिताली क्लिच्कोका अनुसार बिहीबार बिहान कीभको पोडिल्स्की जिल्लामा रकेटका टुक्रा १६ तले भवनमा खस्दा आवासीय भवनमा आगलागी भएको थियो, जसका कारण बालकको मृत्यु भएको हो।
उद्धारकर्मीहरूले भग्नावशेषबाट अर्को एक बालिका र उनकी आमालाई जीवित उद्धार गरेका छन्।
आक्रमणले कीभको ओबोलोन्स्की जिल्लालाई पनि प्रभावित बनाएको छ, जहाँ रकेटका अवशेष खस्दा गैर-आवासीय भवनमा ठूलो आगो लागेको छ।
मेयरका अनुसार:
“गाडीहरू पनि जलिरहेका छन्।”
यो घटना रूस–युक्रेन युद्धका क्रममा राजधानी कीभमा भएको पछिल्लो ठूलो आक्रमणमध्ये एक मानिएको छ।
